Wheat Flour Coconut Snack : ഒരു ഗ്ലാസ് ഗോതമ്പുപൊടിയും തേങ്ങയും ഉണ്ടെങ്കിൽ വളരെ എളുപ്പത്തിൽ തയ്യാറാക്കാവുന്ന രുചികരമായ ഒരു നാലുമണി പലഹാരമാണിത്. ചായയ്‌ക്കൊപ്പം കഴിക്കാൻ പറ്റിയ ഈ പലഹാരത്തിന്റെ ഉള്ളിൽ തേങ്ങയും ശർക്കരയും ചേർന്ന മധുരമുള്ള ഫില്ലിങ്ങാണ്. ഗോതമ്പുപൊടിക്ക് പകരം വേണമെങ്കിൽ മൈദയും ഉപയോഗിക്കാം. കുറച്ച് ചേരുവകൾ മാത്രം ഉപയോഗിച്ച് വീട്ടിൽ തന്നെ തയ്യാറാക്കാം എന്നതാണ് ഇതിന്റെ പ്രത്യേകത.
ഒരു ഗ്ലാസ് ഗോതമ്പുപൊടിയിൽ ആവശ്യത്തിന് ഉപ്പും കാൽ ടീസ്പൂൺ മഞ്ഞൾപ്പൊടിയും ചേർത്ത് മിക്സ് ചെയ്യുക. കുറേശ്ശെ വെള്ളം ഒഴിച്ച് ചപ്പാത്തി മാവിനേക്കാൾ അൽപം ലൂസായ മാവ് തയ്യാറാക്കണം. രണ്ട് ടേബിൾസ്പൂൺ എണ്ണയോ നെയ്യോ ചേർത്ത് നന്നായി കുഴച്ച് കുറഞ്ഞത് അരമണിക്കൂർ വിശ്രമിക്കാൻ വയ്ക്കാം. കൂടുതൽ സമയം ലഭിച്ചാൽ നാലഞ്ച് മണിക്കൂർ വരെ മാവ് റെസ്റ്റ് ചെയ്യുന്നതും നല്ലതാണ്.
ഫില്ലിങ്ങിനായി അരമുറി തേങ്ങ ചെറുതായി ചൂടാക്കിയ ശേഷം രണ്ട് ശർക്കര ഉരുക്കി അരിച്ചെടുത്തത് ചേർക്കാം. കാൽ ടീസ്പൂൺ ഏലക്കാപ്പൊടിയും ചേർത്ത് നന്നായി വറ്റിച്ചെടുത്ത് ചൂടാറാൻ മാറ്റിവയ്ക്കണം. തയ്യാറാക്കിയ മാവിൽ നിന്ന് ചെറിയ ഉരുളകളെടുത്ത് പരത്തി നടുവിൽ തേങ്ങ-ശർക്കര ഫില്ലിങ് വച്ച് അടച്ച് വീണ്ടും പരത്താം. ശേഷം ദോശച്ചട്ടിയിൽ എണ്ണയോ നെയ്യോ ഒഴിച്ച് മീഡിയം തീയിൽ ഇരുവശവും നന്നായി വേവിച്ചെടുക്കാം.
പുറത്ത് മൃദുവായ ഗോതമ്പുമാവും ഉള്ളിൽ തേങ്ങയും ശർക്കരയും ചേർന്ന മധുരമുള്ള ഫില്ലിങ്ങുമാണ് ഈ പലഹാരത്തിന്റെ രുചി കൂട്ടുന്നത്. ഓരോ ഭാഗവും ഒരുപോലെ വേവാൻ തീ മീഡിയത്തിൽ തന്നെ നിലനിർത്താം. മൈദ ഉപയോഗിച്ചും ഇതേ രീതിയിൽ തയ്യാറാക്കാം. വളരെ സാധാരണ ചേരുവകൾ ഉപയോഗിച്ച് ചായയ്‌ക്കൊപ്പം കഴിക്കാൻ പറ്റുന്ന ഈ പലഹാരം വീട്ടിൽ ഒരിക്കൽ തയ്യാറാക്കി നോക്കാം. കൂടുതൽ വിവരങ്ങൾ വിശദമായി വീഡിയോയിലൂടെ നിങ്ങൾക്ക് പറഞ്ഞു തരുന്നുണ്ട്; വീഡിയോ മുഴുവനായും കണ്ടു നോക്കൂ. Credit : HabeeRan dreams