കാൽസ്യം കഴിച്ചിട്ടും എല്ലുകൾക്ക് ബലം കുറവാണോ? ശരീരം ശരിയായി ആഗിരണം ചെയ്യാൻ സഹായിക്കുന്ന ഈ ഭക്ഷണങ്ങൾ അറിയാം! | Calcium Rich Foods

Calcium Rich Foods : പ്രായം കൂടുന്നതിനൊപ്പം എല്ലുകളുടെ ബലവും സാന്ദ്രതയും കുറയാൻ സാധ്യതയുണ്ട്. ഭക്ഷണത്തിലൂടെ കാൽസ്യം ലഭിച്ചാലും ശരീരത്തിന് അത് ശരിയായി ഉപയോഗിക്കാൻ ചില പോഷകങ്ങൾ ആവശ്യമാണ്. പ്രത്യേകിച്ച് 40–45 വയസ്സിന് ശേഷം എല്ലുകളുടെ ആരോഗ്യത്തിൽ കൂടുതൽ ശ്രദ്ധ നൽകുന്നത് പ്രധാനമാണ്. ഇതിനായി ആശാളി അഥവാ Garden Cress Seeds വെള്ളത്തിൽ കുതിർത്ത് കഴിക്കുകയോ പാലിൽ ചേർത്ത് ഉപയോഗിക്കുകയോ ചെയ്യാം. കാൽസ്യം, ഫോസ്ഫറസ്, മഗ്നീഷ്യം, പ്രോട്ടീൻ എന്നിവ ഇതിൽ അടങ്ങിയിട്ടുണ്ട്. കഞ്ഞിയിലും ഇത് ചേർക്കാം.

വെളുത്തുള്ളി പാലും ഭക്ഷണത്തിൽ ഉൾപ്പെടുത്താവുന്ന മറ്റൊരു രീതിയാണ്. തൊലി കളഞ്ഞ് ചതച്ച വെളുത്തുള്ളി പാലും വെള്ളവും ചേർത്ത് തിളപ്പിച്ച് വറ്റിച്ചെടുത്താണ് ഇത് തയ്യാറാക്കുന്നത്. ശരീരബലത്തിനും ദഹനത്തിനും ഇത് ഉപയോഗിക്കാറുണ്ട്. അതുപോലെ ചെറുപയർ മുളപ്പിച്ചോ സൂപ്പ് രൂപത്തിലോ കഴിക്കാം. കാൽസ്യം, മഗ്നീഷ്യം, ഫോസ്ഫറസ്, പ്രോട്ടീൻ, പൊട്ടാസ്യം എന്നിവ അടങ്ങിയതിനാൽ പോഷകസമൃദ്ധമായ ഭക്ഷണമായി ഇത് ഉപയോഗിക്കാം.

റാഗിയും എല്ലുകളുടെ ആരോഗ്യത്തിന് ഭക്ഷണത്തിൽ ഉൾപ്പെടുത്താവുന്ന പ്രധാന ധാന്യമാണ്. കാൽസ്യം, പൊട്ടാസ്യം, ഇരുമ്പ്, ഫൈബർ, വിവിധ വിറ്റാമിനുകൾ എന്നിവ റാഗിയിൽ അടങ്ങിയിട്ടുണ്ട്. കുറുക്ക്, ദോശ, അട, ചപ്പാത്തി, ഉപ്പുമാവ്, പുട്ട്, ഇഡലി തുടങ്ങിയ പല വിഭവങ്ങളായും ഇത് തയ്യാറാക്കാം. ചെറുപയറിനൊപ്പം ചേർത്തും ഉപയോഗിക്കാം. പതിവായുള്ള ഭക്ഷണത്തിൽ റാഗി ഉൾപ്പെടുത്തുന്നത് പോഷകങ്ങൾ ലഭിക്കാൻ സഹായിക്കും.

പാൽ, പാലുൽപന്നങ്ങൾ, നട്സ്, ചെറുമീൻ, ഇലക്കറികൾ, എള്ളും ശർക്കരയും, മുരിങ്ങയില, ഉണങ്ങിയ അത്തിപ്പഴം, ആൽമണ്ട് മിൽക്ക്, കുതിരമുതിര സൂപ്പ്, ചിയ സീഡ് ഡ്രിങ്ക് തുടങ്ങിയവയും ഭക്ഷണത്തിൽ ഉൾപ്പെടുത്താം. ആശാളി ഉപയോഗിക്കുമ്പോൾ അളവ് ശ്രദ്ധിക്കണം; പ്രത്യേകിച്ച് പ്രമേഹമരുന്ന് കഴിക്കുന്നവർ, കുറഞ്ഞ പൊട്ടാസ്യം അല്ലെങ്കിൽ കുറഞ്ഞ രക്തസമ്മർദ്ദമുള്ളവർ ജാഗ്രത പാലിക്കണം. കൂടുതൽ വിവരങ്ങൾ വിശദമായി വീഡിയോയിലൂടെ നിങ്ങൾക്ക് പറഞ്ഞു തരുന്നുണ്ട്; വീഡിയോ മുഴുവനായും കണ്ടു നോക്കൂ. Credit : Ayurcharya